Jemi në vitin 1939. Data shënon 29 mars dhe Mbreti Zog I i Shqipërisë i drejtohet “vëllait të tij” përmes një letre.
Normalisht nuk bëhej fjalë për një vëlla “natyral”, por për një tjetër oborrtar.
Ahmet Zogu po i adresohej Vittorio Emmanuelle III, Mbretit të Italisë dhe Perandorit të Etiopisë asokohe.
Letra është shkruar në frëngjisht dhe data përkon pak para pushtimit italian të Shqipërisë më 7 prill.
Zogu, përmes letrës, do të caktonte një të dërguar special, pasi mbreti u detyrua të mërgonte në Francë.
I dërguari special ishte një figurë e shquar e kohës, njëkohësisht nënshkrues i Deklaratës së Pavarësisë së Shqipërisë.
Dhimitër Berati (Demetre Beratti), me sa duket, ishte caktuar nga Zogu për të kryer një detyrë “speciale”, shkruan Albanian Post.
Në përmbyllje, Zogu i uronte mirëseardhjen Emmanuelle-s III.
Roli
Në fillim të vitit 1934, Mbreti Zog i ofronte Dhimitër Beratit postin e ministrit të Ekonomisë Kombëtare.
Në dy vitet e qëndrimit të tij në këtë funksion, marrëdhëniet ekonomike midis Shqipërisë dhe Italisë, u rritën sipas dëshmive të kohës.
Janë me qindra urdhra, telegrame, fjalë dhe biseda, ku provohet se çdo veprim ekonomik i Monarkisë është paraparë së pari në rrafshin politik.
Berati do të spikaste edhe në vjeshtën e vitit 1941, kur me thirrjen e disa patriotëve të tjerë shqiptarë pranoi postin e ministrit të Kulturës Shqiptare.
Shumë shkolla të përuruara në atë kohë si në Kosovë, edhe në Maqedoni (referuar Maqedonisë së Veriut) mbajnë firmat dhe vulën e Dhimitër Beratit.
Me vendosjen e diktaturës komuniste, Dhimitër Berati do të largohej nga Shqipëria.
Letrat
Letra e Zogut renditet mes disa shkëmbimeve në vitin 1939, shkruan Albanian Post.
Por, kjo e fundit nuk figuronte në arkivin e letërkëmbimeve të kohës.
Në Durrës është regjistruar një letër, e cila i drejtohet Basel-it në Zvicër, më 1 maj të 1939-ës.
Ka anulime të mbërritjeve Basel 1 dhe Basel 2 në anën e pasme.
Një tjetër letër nga Durrësi i 12 majit i drejtohet sërish Basel-it në Zvicër.
Kësaj radhe në rrugë tokësore dhe mbante numrin 10 dhe 15.
E radhës është një letër e postës ajrore, e cila u anulua në Tiranë më 27 tetor të vitit 1939 dhe u dërgua në New York.
Ajo mbante numrin 5 dhe 25 me pullën e serisë piktoreske të Pushtimit Italian të Shqipërisë.
/Albanianpost.com