Kryeministri i Kosovës, Albin Kurti, u ka bërë thirrje tre liderëve të opozitës, Memli Krasniqit, Lumir Abdixhikut dhe Ramush Haradinajt, që të takohen për të biseduar për takimin e fundit që kishte në Bruksel me presidentin serb, Aleksandër Vuçiq.
Përveç në formë elektronike, ftesat për këtë takim krerëve të opozitës do t’u dërgohen edhe formë fizike, ka bërë me dije zëdhënësi i qeverisë, Përparim Kryeziu.
“Dje u janë dërguar ftesat në formë elektronike, ndërsa sot dërgohen në formë fizike. Ftesa për takim është për ditën e nesërme”, ka thënë ai në një përgjigje për “Kosovapress”.
Kreu i ekzekutivit, Albin Kurti Kurti një ditë më parë u ka bërë thirrje krerëve opozitarë për tu takuar dhe për t’i informuar ata për takimin e fundit që pati në Bruksel për çështjen e dialogut, me ç’rast ka deklaruar se dallimet e mospajtimet politike që kanë ndërmjet vete pozitë e opozitë nuk duhet të tejkalojnë interesin shtetëror.