Kryetari i Komunës së Rahovecit, Smajl Latifi ka përshëndetur vendimin e qeverisë së Ramush Haradinajt për rritjen e pagave të mësimdhënësve. Me këtë rast, ai u kë kërkuar mësimdhënësve të kësaj komune që të nisin mësimin të hënën e 21 janarit.
“Arritje serioze që meriton vlerësim. Shih për këtë, mësimi mirë është të fillojë që nesër’, ka shkruar në Facebook, Latifi, duke shpërndarë njoftimin e kryeministrit për rritje pagash.
Qeveria njoftoi se janë ndarë 20 milionë euro në vit për rritje pagash mirëpo kjo u refuzua nga SBASHK, duke vazhduar grevën.
Rahoveci udhëhiqet nga AAK prej nga vjen edhe kryeministri, ndërkohë deri tani Juniku, Deçani edhe Mamusha kanë njoftuar se nesër do të ndërpresin grevën.