Lidhja Demokratike e Kosovës(LDK) në Prizren akuzon pushtetin komunal për mospastrim të rrugëve nga bora.
Sipas këtij subjekti politik, rrugët e Prizrenit janë për të pakalueshme.
“Qytetarët e komunës së Prizrenit që nga mëngjesi, po përballen me vështirësi në qarkullim. Pushteti lokal sikur nuk ekziston”, thuhet në komunikatën e LDK-së në Prizren.
“Të gjitha rrugët janë të mbuluara me borë dhe akull dhe as që është ndërmarrë ndonjë veprim për pastrimin e tyre”.
“Kjo gjendje ka rënduar dhe vështirësuar lëvizjen e lirë të qytetarëve duke sjell rrezik për lëndime si rezultat i rrugëve dhe trotuareve të rrëshqitshme, ndërkaq në komunikacion gjatë tërë kohës vërehet situate kaotike”.
“Është për keqardhje që ky pushtet i dështuar nuk është në gjendje të ofroi as shërbime bazike minimale për qytetarët e komunës së Prizrenit”.