Deputetja e Lidhjes Demokratike të Kosovës, Vjosa Osmani ka deklaruar se do ishte mirë që votuesit të ndëshkonin disa prej individëve të Lidhjes Demokratikë të Kosovës, në mënyrë që të marrin mësim nga gabimet e bëra.
Në emision ‘Republika’ të Tribuna Channel, Osmani ka shtuar gjithashtu se Isa Mustafa ka tradhtuar elektoratin e LDK-së në momentin që nënshkroi koalicionin me PDK-në, dhe elektorati do vendos në zgjedhjet e ardhshme se si e kanë vlerësuar këtë vendim të tij.
Osmani tha se sipas rregullores së Kuvendit të Kosovës, vetëm kryetari i Kuvendit ka të drejtë të marrë vendim për suspendimin individual të deputetëve, dhe jo kryesia e Kuvendit.
Ajo ka theksuar se është habitur me vendimin e kryesisë për suspendim të kolegëve opozitar, duke shtuar se deputet nuk kanë të drejtë të përjashtojnë deputet tjerë ngasë ata të gjithë janë të njëjtë.