5.8 C
Prizren
E martë, 19 Mars, 2024

Liga Unike e Femrave/ Bashkimi pret Prishtinën

Në mesjavë do të zhvillohet xhiroja e dytë në Ligën Unike të Femrave. Në xhiron e parë fitore shënuan skuadrat nga Shqipëria në tri përballjet ndaj atyre të Kosovës.

Takimi i parë zhvillohet ndërmjet Bashkimit dhe Prishtinës, që pritet të jetë shumë interesant, për faktin se të dyja skuadrat kanë ambicie të mëdha në këtë edicion.

Vashat prizrenase nuk kanë pësuar asnjë humbje në Superligën e Femrave në Kosovë, kurse ato prishtinase janë kampione të Ligës Unike dhe synojnë mbrojtjen e titullit. Në këtë edicion janë përballur një herë, në Superligën e Femrave, ku fituan prizrenaset 75:65.

Përballja e dytë zhvillohet në mes të Flamurtarit dhe Penzës në Vlorë. Skuadra vlonjate e ka nisur me fitore dhe, gjithashtu, e fitoi edhe Superkupën Mbarëkombëtare, trofe që një edicion më herët e kishte fituar skuadra pejane. Sfida në mes të kampiones së Shqipërisë dhe Kosovës pritet të jetë shumë interesante.

Ndeshja e fundit zhvillohet ndërmjet skuadrave tiranase Partizanit dhe Tiranës, që e nisën edicionin e ri me fitore dhe shpresojnë ta vazhdojnë serinë pozitive.

Më Shumë

“Kurilla” mbetet pa ujë

Kompania e Ujësjellësit ”Hidroregjioni Jugor” njofton se për shkak një defekti lagjja “Kurillë” e Prizrenit nuk ka ujë. Njoftimi pa ndërhyrje Konsumatorë të nderuar KRU”Hidroregjioni Jugor”...

Mos mbani kontakt me ishin, prish lidhjen e re

Një studim i ri thotë se shumica e njerëzve që mbajnë kontakte me ish të dashurin/ën, mund të kenë probleme dhe t’i shkaktojnë dëme...

Lajmet e Fundit