Rep artisti i njohur, Lil Wayne dyshohet se ka tentuar ta qëllojë me armë zjarri një nga truprojet, gjatë një mosmarrëveshjeje në shtëpinë e tij, ndërkohë që aktualisht policia po merret me rastin.
Burimet e zbatimit të ligjit kanë bërë të ditur për TMZ, se një nga rojet e rep artistit, u tha policëve se ai dhe Wayne u grindën në shtëpinë e artistit, ndërsa thuhet se problemi u përshkallëzua në dhunë fizike dhe qitje me armë.
Mes tjerash, roja – identiteti i të cilit, me kërkesë të tij mbetet i pazbuluar, ka thënë se fillimisht i ishte kërkuar të dilte nga shtëpia pas debatit me rep artistin, por ai ka shkuar në banjë, e pasi që e kishte përfunduar duke u kthye, Wayne i ishte rikthyer debatit duke i keqësuar gjërat.
Por, burime pranë yllit të hitit “Mirror”, mohojnë fuqishëm të ketë ndodhur një incident i tillë mes dyshes.
Gjithsesi, autoritet amerikane kanë thënë se roja në fjalë ka pretenduar se Lil Wayne ka nxjerrë një armë të tipit AR-15, me të cilën edhe thuhet të ketë shtënë.
Policia e ka vizituar shtëpinë e rep artistit për të marrë deklaratat dhe versionin e tij të historisë, por që i njëjti kishte braktisur ambientin ku jeton për shkak të angazhimeve në muzikë.
E gjithë zënka thuhet të ketë ndodhur si pasojë e publikimit pa leje të disa fotografive të Lil Wayne nga roja e tij.
Policët theksojnë të kenë probleme me historinë e akuzës, pasi që roja nuk kishte asnjë shenjë në trupin e tij apo lëndime nga konfrontimi i supozuar fizik.
/Albanianpost.com