NISMA për Kosovën sot ka mbajtur tubim elektoral edhe në Rahovec. Kryetari i Kryesisë së NISMA për Kosovën, Fatmir Limaj ka thënë sot në Rahovec, se bujqitë e kësaj ane nuk kanë nevojë për lëmoshë, por për përkrahje serioze.
“Bizniset dhe sidomos bujqitë nuk kanë nevojë për lëmoshë, e as për 300 euro, ata kanë nevojë për subvencionim, përkrahje, sepse shteti e ka për obligim të kujdeset për bizneset dhe për ta. Në një sistem demokratik, shteti shkon sipas ligjit ndërsa tek ne, nuk po ndodhë ajo, në shtetin tonë po vjen koha si e regjimit, që veteëm një individ bën çfarë të donë”, ka thënë Limaj.
Promotori për ndryshim, Limaj tha se është rinia e vendit, dhe se e gjithë rinia është në Nismën për Kosovën dhe numërin 59.
Ndërsa, Koordinatori i Nisma për Kosovën në Rahovec,Sadik Krasniqi, ka thënë se Nisma ka ardhur si rezultat i keqqeverisjes dhe pakënaqësive të mëdha. “çdo biznesë që kemi në Rahovec do t’i përkrahim, si blektorinë, bujqësinë,pasiqë janë shumë të rëndësishme për vendin tonë”, ka thënë Krasniqi.
Kandidatët për deputetë nga radhët e NISMA për Kosovën në Rahovec janë, Isa Morina, Nait Thaci, Amir Vuqiterrna, Xhevahire Vllasaliu dhe Fatart Veselaj.