Liria ka shënuar një fitore të rëndësishme ndaj Rilindjës 1974 me rezultat 2:0, duke hedhur një hap vendimtar drejt objektivit madhor – ngjitjes në Superligë. Me këtë triumf, skuadra prizrenase siguron pjesëmarrjen në ndeshjet e barazhit për elitën e futbollit kosovar, raporton PrizrenPress.
Golat për Lirinë i shënuan Uetuuru Kambato në minutën e 25-të dhe Egzon Qerimi në minutën e 89-të, duke vulosur një fitore të merituar në një ndeshje të dominuar nga prizrenasit.
Liria, si vend i dytë i Grupit A në Ligë të Parë do të luajë ndeshjen e parë të barazhit me Vushtrrinë, që është vend i dytë në Grupin B të Ligës së Parë. Fituesi i kësaj ndeshjeje pastaj do të luajë duelin përfundimtar për Superligë, ndaj pozitës së tetë aty (aktualisht, Llapi).
Përndryshe, Liria mbyll stinorin në Ligë të Parë – Grupi A me 51 pikë nga 27 ndeshje, kurse Rilindja 1974 në pozitë të tetë, me 28 pikë./PrizrenPress.com
