0.8 C
Prizren
E shtunë, 4 Shkurt, 2023

Luftimet në Ukrainë do të ngadalësohen në muajt e dimrit, thotë inteligjenca amerikane

uftimet në Ukrainë janë ngadalësuar dhe kjo ka të ngjarë të vazhdojë në muajt e ardhshëm të dimrit, besojnë agjencitë e inteligjencës amerikane.

Megjithatë, nuk ka pasur prova të zbehjes së rezistencës nga ana e forcave ukrainase, tha drejtoresha e inteligjencës amerikane, Avril Haines.

Ajo tha se të dyja palët do të përpiqen të “riparojnë, rifurnizojnë dhe rindërtojnë” për çdo kundërsulm në pranverë.

Kjo vjen pas sulmeve ruse në infrastrukturën kritike të energjisë të Ukrainës.

Lufta në Ukrainë është tani në muajin e saj të nëntë, por Rusia ka humbur më shumë se gjysmën e tokës që ka marrë.

Haines tha në një forum të mbrojtjes në Kaliforni se shumica e luftimeve janë aktualisht rreth rajonit Bakhmut dhe Donetsk të Ukrainës lindore.

Ajo tha se luftimet ishin ngadalësuar pas tërheqjes së trupave ruse nga perëndimi i rajonit Kherson muajin e kaluar.

“Ne po shohim një lloj ritmi të reduktuar tashmë të konfliktit… dhe ne presim që kjo ka të ngjarë të jetë ajo që shohim në muajt e ardhshëm”, tha ajo.

Haines shtoi se inteligjenca amerikane beson se presidenti rus Vladimir Putin nuk ka një pasqyrë të plotë në këtë fazë se sa e sfiduara është ushtria e tij.

“Ne shohim mungesë municionesh, për moralin, çështjet e furnizimit, logjistikën, një sërë shqetësimesh me të cilat po përballen”.

Më Shumë

Ngacmohet një e mitur në Prizren

Një vajzë e mitur është ngacmuar në Prizren. Ajo  është ndjekur nga një person i panjohur i moshës madhore , derisa ka qenë duke shkuar...

Rahoveci kompenson bujqit që pësuan nga vërshimet

Komuna e Rahovecit në bashkëpunim me Ministrinë e Bujqësisë, Pylltarisë dhe Zhvillimit Rural (MBPZhR) pritet t’i kompensojnë 243 bujq të cilët janë dëmtuar nga...

Lajmet e Fundit