Mërgimtari Njazi Bytyqi nga Shkoza, pronar i kompanisë “Bytyqi BAU” GmbH në Gjermani, ka dhuruar një makinë pastrimi elektrike për komunën e Malishevës. Donacioni, me vlerë 15,000 euro, do të përdoret për pastrimin e trotuarëve dhe shesheve të qytetit.
Kryetari i Komunës së Malishevës, Ekrem Kastrati, e falënderoi mërgimtarin Bytyqi për këtë mbështetje të çmuar, duke theksuar se çdo përkrahje nga mërgimtarët është e mirëseardhur dhe e rëndësishme për zhvillimin e komunës.
Nga ana e tij, Njazi Bytyqi shprehu dëshirën e tij për të vazhduar mbështetjen e komunës dhe qytetarëve të Malishevës, duke theksuar se ka motiv të investojë edhe në të ardhmen për përmirësimin e kushteve dhe zhvillimin e vendit të tij./PrizrenPress.com/
