8.7 C
Prizren
E hënë, 17 Mars, 2025

Martohet Paris Hilton

Paris Hilton është martuar me sipërmarrësin Carter Reum në një ceremoni luksoze të organizuar në pronën e gjyshit të saj të ndjerë në Bel-Air, ndërsa ngjarja e mbushur me yje përfshinte të ftuar të listës A si: Emma Roberts, Ashley Benson dhe Bebe Rexha.

40-vjeçarja konfirmoi lajmin duke publikuar në Instagram disa fotografi para ceremonisë, ku shfaqej me fustanin e saj të nusërisë të punuar nga “Oscar de la Renta”.

“Përgjithmonë e imja fillon sot…11/11 E sapo martuar, përgjithmonë Paris Hilton Reum”, shkroi Hilton, e cila nuk hezitoi të tregonte edhe unazën e saj të martesës në fotografinë magjepsëse.

 

Paris dhe Carter njoftuan se u fejuan në shkurt pas më shumë se një viti lidhje.Gjysma e sipërme e fustanit mahnitës të Parisit ishte bërë me rrjetë dhe e mbuluar me zbukurime të bardha me lule të ndezura. Gjithashtu kishte një dekolte elegante dhe mëngë të gjata.

Flokët e saj bionde të shndritshme ishin stiluar në formën e një topuzi të hijshëm, me balluket anësore të dredhura dhe të lëna jashtë për të vënë në pah fytyrën e saj.

Fytyra e Parisit ishte e grimuar në mënyrë të përsosur dhe ajo kishte një manikyr klasik francez.

Një burim i tha E! News se “Paris zgjodhi fustanin e saj vonë mbrëmë”, duke shtuar se ajo dhe bashkëshorti i saj kapitalist ishin të rrethuar nga “shumë dashuri dhe mbështetje” deri në ditën e madhe.

 

Së bashku me një mori personash të famshëm, Paris dhe Carter shkëmbyen betimet përpara miqve dhe familjes së ngushtë.

Pjesë e ceremonisë ishte artistja shqiptare me formë botërore, Bebe Rexha.

Kjo e fundit dukej tepër elegante e veshur me një fustan të kaltër të gjtë, ndërsa ishte e shoqëruar nga i dashuri i saj, Keyan Safyari. /Telegrafi/

Më Shumë

Rriten shkëmbimet tregtare Shqipëri–Kosovë, kërkohen më shumë lehtësira në kufi

Në pikën e përbashkët kufitare të Morinit shohim gjithnjë e më shumë prezencë të mjeteve që transportojnë mallra nga Shqipëria drejt Kosovës, por edhe...

Godbold e Bashkimit, MVP e xhiros së 16-të

Adrienne Godbold ka shkëlqyer në xhiron e 16-të të Superligës së Femrave, duke e ndihmuar ekipin e saj, Bashkimin, të arrinte një fitore të...

Lajmet e Fundit