Ministri i Ministrisë së Arsimit Shkencës dhe Teknologjisë(MASHT) Ramë Buja ka nënshkruar vendimin për riemërtimin e Shkollës Fillore të Mesme dhe të Ulët në Mamushë nga “Haxhi Ymer Lutfiu” në SHFMU “Anadollu”.
Çështja e riemërtimit të kësaj shkolle ka mbetur e pazgjidhur që nga viti 2011.Organizata Joqeveritare “EC Ma Ndryshe” ka raportuar për këtë problem në qershor të vitit 2013.
Në bazë të vrojtimeve gjatë monitorimit është parë se komuna e Mamushës përdor emrin “Anadolu” për këtë shkollë, derisa Ministria e Arsimit, Shkencës dhe Teknologjisë në dokumentet zyrtare i referohet si ShFMU “Haxhi Ymer Lutfiu”.
Drejtori Ekzekutiv Hajrullah Çeku thotë se muaj më parë ka kërkuar informata nga MASHT-I për rrjedhën e procesit.
“Dje jemi njoftuar se ministri Buja ka vepruar në këtë drejtim në përputhje me kërkesën e Komunës së Mamushës”,tha Çeku/PrizrenPress.com/