-4.2 C
Prizren
E mërkurë, 8 Shkurt, 2023

Mbështetje për Marrëveshjen e Ohrit, mbështetje për rajonet shqiptare në Maqedoni

nuldNdihmës-sekretarja amerikane e Shtetit, Victoria Nuland, i dërgoi porosi të qarta politikës në Shkup. Duke komentuar situatën politike dhe të sigurisë të krijuar pas valës së protestave rreth rastit “Monstra”, Nuland theksoi nevojën për përmbushjen e Marrëveshjes së Ohrit si kusht i domosdoshëm për të ardhmen e shtetit.

Ajo inkurajoi palët për më shumë bashkëpunim mes komuniteteve, ndërsa theksoi gatishmërinë e amerikanëve për investime në rajonet shqiptare të Maqedonisë, me qëllim të barazimit ekonomik dhe social.

“Është absolutisht thelbësore që dy komunitetet të rriten dhe prosperojnë së bashku. SHBA-ja është e kënaqur për mundësinë e investimit fuqishëm për këtë vizion të integruar, në aspektin politik, ekonomik, të sigurisë. Folëm me kryeministrin se çfarë mund të bëjmë më shumë së bashku sa i përket rajoneve shqiptare të Maqedonisë. Ne duam ta bëjmë këtë përmes investitorëve, kompanive amerikane. Si mund të bëjmë më shumë për ta përforcuar bashkëpunimin rajonal ekonomik”, tha ajo.

Nuland theksoi tezën e mesit të artë, të bashkëjetesës në paqe, siguri, unitet, vlera këto, për të cilat SHBA ka qenë e përkushtuar që nga Marrëveshja e Ohrit. Ndërsa, i kujtoi gjithashtu Maqedonisë, se aspiratat euro-atlantike mund t’i përmbush pasi të zgjidhë çështjen e emrit. /Alsat-M/

Më Shumë

Parashikimi i motit për ditën e sotme

Instituti Hidrometeorologjik i Kosovës ka bërë të ditur se sot do të mbajë mot me vranësira te cilat vonë gjatë natës parashihen të sjellin...

Përfshihet nga zjarri një lokal në Korishë të Prizrenit

Një lokal ësh të përfshirë nga zjarri në fshatin Korishë të Prizrenit. Zjarrfikësit dhe policia kanë dal në vendin e ngjarjes. Nuk raportohet për të lënduar. Rasti...

Lajmet e Fundit