Këshilli Nismëtar për mbajtjen e Kuvendit të Lidhjes Shqiptare të Prizrenit nga data 7 -10 qershor 2015 në Prizren zhvillon punimet Kuvendi i Lidhjes Shqiptare të Prizrenit.
Anëtari i Kryesisë së Këshillit Nue Oroshi tregon se përtej flamujve partiak, Këshillit Nismëtar për mbajtjen e Kuvendit i janë bashkuar delegatë nga të gjitha trevat etnike.
“Seancat e Kuvendit do të zhvillohen nga data 7 qershor 2015 – 9 qershor 2015”, tregon ai për “PrizrenPress”.
Rezultatet e punës së Kuvendit do të prezantohen në tubimin popullor me datën 10 qershor 2015, duke filluar ceremoninë zyrtare në ora 10:00, para kompleksit historik të Lidhjes Shqiptare të Prizrenit.
“Ftojmë qytetarët e të gjitha trevave shqiptare që të bashkohen me delegatët e Kuvendit dhe të marrin pjesë në ceremoninë zyrtare të datës 10 qershor 2015 në Prizren”.
“Në ceremoninë zyrtare, opinioni publik ndër të tjera njoftohet edhe me rezultatet e punës së Kuvendit, prezantohet Memorandumi i Shqiptarëve, Deklarata e Pajtimit Kombëtar, Deklarata e Bashkimit Kombëtar dhe Deklarata e Vizionit Kombëtar”./PrizrenPres.com/