Hapja e këtij festivali do të bëhet më 6 tetor në Kinemanë ABC dhe deri më 10 tetor do të prezantohen pesë në filma në dy kinema: ABC në Prishtinë dhe Dokukino në Prizren.
Pas prezantimit të kulturës së Kosovës në Serbi, festivali “Mirëdita, dobar dan”, do të vazhdojë me Javën e Filmit të Bekim Fehmiut në Kosovë, prej 6 deri më 10 tetor, shkruajnë mediet serbe mbi këtë festival.
“Bekim Fehmiu, aktor shqiptar, kosovar, beogradas, jugosllav dhe botëror, është simbol i të kaluarës së përbashkët, përmes të cilës, me të gjitha sfidat, të arriturat dhe keqkuptimet, ka shërbyer si frymëzim për themelimin dhe realizimin e këtij eventi”, thuhet më pas në këtë raport ku qytetarët e Kosovës do të kenë mundësi të shijojnë pesë filma nga krijimtaria kinematografike e aktorit Bekim Fehmiu: “Mbledhësit e Puplave”, “Gethi i Gjerë”, “Era”, “Edukimi Special” dhe “Kurthi për Gjeneralin”. /KultPlus.com