Skandalin e korrupsionit me EULEX-in e quan pretendim, për të cilin do të duhet kohë që të zbulohet e vërteta. Thotë se raporti i parë i hetimeve do të publikohet më së largu në prill 2015.
Por, shefi i ri i EULEX-it, Gabriele Meucci, e pranon se kjo situatë e ka zbehur kredibilitetin e këtij misioni dhe besimin e qytetarëve.
Në intervistën ekskluzive për gazetën “Zëri”, ai tha se do të punojë për rikthimin e besimit, por duke i bërë me dije kosovarëve se ky mision nuk është as “Spiderman” dhe as “Superman”, dhe se në Kosovë nuk ka ardhur për të futur secilin në burg.