Një nga ngjarjet e rëndësishme kulturore në këtë fund-vit është ribashkimi i grupit “Gjurmët” me koncertin në Tiranë.
Në kuadër të ‘Programi 200’, lideri i grupit Migjen Kelmendi flet për artin e angazhuar, për krijimtarinë që nxori gjithë klasën politike që më pas udhëhoqi procese historike, por flet edhe për regresin e sotshëm. Për dominimin e një klase politike që nuk sjell hapësirë për alternativa shoqërore.
Lideri i grupit “Gjurmët” Migjen Kelmendi, në intervistën për Alsat, thotë se klasa politike e pas luftës në Kosovë e ka blerë shumë “lirë”, klasën intelektuale dhe si rrjedhojë nuk ka shoqëri civile.
Kurse ribashkimin e grupit e ka pranuar për shkak të anëtarëve të tjerë dhe presionit publik, ndonëse “Gjurmët” i kishte “varros”.