Kryesuesi i Kuvendit të Kosovës, Adem Mikullovci, ka mbyllur seancën konstituive të Kuvendit të Kosovës, edhe përkundër asaj që sekretari i Kuvendit, Ismet Krasniqi i rekomandonte që të mos mbyllej.
Deputeti i PDK-së, Enver Hoxhaj, ka kërkuar që të shtyhet seanca për dy orë dhe pastaj të dalin me emrin e kandidatit për kryetar të Kuvendit.
Ky propozim u hodh në votim por rezultati në votim doli 60/60.
Mikullovci sqaroi edhe një herë se kur një votim ka 60 me 60 vota, atëherë ai propozim nuk kalon.