Ministria e Kulturës, Rinisë dhe Sportit ka sot shpallur konkurs për propozimet për çmimet kombëtare letrare për 2020.
Përmes kësaj shpallje, MKRS pret deri më 5 janar 2021, propozimet për çmimet Kombëtare Letrare për Vepër Jetësore “Azem Shkreli”, dhe për Çmimet e tjera për Letërsi për vitin 2020.
Propozimet mund të bëhen nga institucionet shkencore e kulturore, shtëpitë botuese, redaksitë e gazetave e revistave kulturore- letare, asociacione e institucione tjera që mbledhin krijuesit letrar apo edhe personalitetet me reputacion publik.
Vlerësimin për ndarjen e çmimeve e bën juria profesionale e përbërë nga 5 anëtarë.
“Propozimi me shkrim duhet të dërgohet nga data: 04 dhjetor 2020 deri më 05 janar 2021, në Arkivin e MKRS-së, për Departamentin e Kulturës, në Zyrë nr. 022 (Adresa: MKRS, 10,000 Prishtinë, Rruga “Nëna Terezë” nr. 35)”, thuhet ndër të tjerash në shpalljen e MKRS për konkursin për Çmimet vjetore letrare.