Këshilltari i Bashkimit Demokratik(BD),Osman Hajdari, ka vendosur që të ulë në bankën e të akuzuarit edhe një herë kryetarin e Komunës së Prizrenit, Ramadan Mujën.
Ai, sot ka shkuar në Prokurorinë Themelore në Prizren, për të dorëzuar padinë penale kundër Mujës.
“Sot kam qenë në Prokurori për të dorëzuar padinë për kërcënim ndaj kryetarit Muja. Prokuroria më sugjeroi që paraprakisht rastin e kërcënimit ta paraqes në polici”, tregon Hajdari për “PrizrenPress”.
Ai thotë se pas këtij sugjerimi, rastin e kërcënimit të kryetarit Ramadan Muja, e ka paraqitur edhe në Stacionin e Policisë në Prizren.
“Në polici më thanë që për shkak se rasti ka të bëjë me kryetarin e Komunës, padia të bëhet drejtëpërdrejt në Prokurorinë Themelore”.
Këshilltari i BD-së,Osman Hajdari është kërcënuar dje nga kryetari i Prizrenit, Ramadan Muja. Hajdari shkaktoi nervozë dhe reagimin e kryetarit Muja, kur nga foltorja e pyeti atë se kur duhet një zyrtar i lartë publik duhet të jap dorëheqje.
Ndërkaq, Muja nga vendi replikoi duke i thënë të mos shtirej i mençur dhe të mbyllë gojën . “Mylle gojën mos m’shtin me të fshi përpara”, i ka thënë Muja, Osmanit.
Për këtë kërcënim të Ramadan Mujës, kanë reaguar ashpër të gjitha partitë opozitare dhe shoqëria civile në Prizren.
Këshilltari i BD-së,Osman Hajdari thotë se dorëzimi i padisë penale kundër kryetarit Muja, ka mbetur të dorëzohet të hënën.
“Të hënën ka mbetur që të dorëzohet padia kundër Mujës në Prokurori”./PrizrenPress.com/