Nuk është mirë që “Vetëvendosja” të shfrytëzojë këtë situatë për të vënë kushte, është një kauzë për moslejimin e formimit të qeverisë “Thaçi 3” që duhet mbështetur, sepse objektivisht disa nga kërkesat e “Vetëvendosjes” nuk mund të pranohen.
Kështu ka bërë të ditur të premten në intervistën për gazetën “Zëri”, kreu i LDK-së, Isa Mustafa.
Ai bëri të qartë se kushtet për të cilat do të diskutohet janë: ridefinimi ose bllokimi i dialogut dhe mospërfshirja e serbëve në qeveri, pasi këto procese tashmë kanë marr kahje, dhe Kosova ka hyrë në proces të integrimeve evropiane dhe nuk guxojnë të pësojnë regres.
