13.8 C
Prizren
E enjte, 28 Mars, 2024

Në 15 vjetorin e vrasjes, përkujtohet komandant Drini

Në 15 vjetorin e vrasjes së Ekrem Rexhës-komandant Drinit, në shtëpinë e kulturës në Prizren, është mbajtur një akdemi solemne organizuar nga Komuna e Prizrenit dhe familja.Pjesë e këtij manifestimi përkujtimor përveç familjarëve, ishin edhe bashkëluftëtarë të Ekrem Rexhës, miq, qytetarë dhe përfaqësues të institucioneve të ndryshme.

Para të pranishmëve, në emër të shoqatave të dala nga lufta në Prizren, ka folur sekretari i degës së OVL të UÇK-së, Isa Berisha, i cili tha se komandant Drini, ishte një strateg i madh luftarak, duke u dëshmuar në shumë beteja anëkënd Kosovës. Ndërkaq, Lulzim Kabashi, nënkryetar i komunës së Prizrenit tha se komandant Drini ishte një vizionar i luftës dhe paqes, dhe vrasja e tij nga dora tradhëtare ishte fitore për armikun e vendit. Ai me këtë rast apeloi që organet e drejtësisë të gjejnë urdhërdhënësit dhe autorët e vrasjes së Ekrem Rexhës.

Në emër të familjes ka folur bashkëshortja e Ekrem Rexhës, Hajrija, e cila tha se sot e kemi më të lehtë dhimbjen për më të dashurin tonë, sepse po përkujtohet para brezave të rinj veprimtaria atdhetare e komandant Drinit. Para akademisë solemne, janë bërë homazhe në varrin e komandant Drinit në varrezat e dëshmorëve në Landovicë. Ndryshe, Komandant Drini u vra para shtëpisë së tij në lagjen “Bazhdarhane” në rrethana misterioze, në mëngjesin e 8 majit të vitit 2000, në kohën kur po punonte si drejtor komunal për Emergjencë. Në momentin kritik ai kishte dalë të ndezte veturën për të shkuar në punë, ndërsa ishte qëlluar me armë automatike/Tv Prizreni/

Më Shumë

8 dhe 11 milionë euro, mbërrijnë dy oferta për Rrahmanin

Albion Rrahmani duket se do të largohet këtë verë nga Rumania për një hap më cilësor në karrierën e tij. Dhe, ofertat tashmë kanë...

Vetim Shala, shkoi për ta dhënë provimin e mjekësisë në Prishtinë, u përjetësua me diplomën e dëshmorit

Vetim Shala u lind më 28 shtator të vitit 1968 në fshatin Nashec të Prizrenit. Shkollën fillore e kreu në fshatin e lindjes me...

Lajmet e Fundit