Në përkujtim të 32 dëshmorëve të UÇK-së që ranë heroikisht 22 vite më parë në operacionin “Shigjeta”, kryetari i Komunës së Prizrenit, Mytaher Haskuka së bashku me drejtorët komunalë dhe përfaqësuesit e shoqatave të dala nga lufta, sot kanë bërë homazhe në varrezat e dëshmorëve në Landovicë dhe pranë memorialit të dëshmorëve në Gorozhup.
Me këtë rast, kryetari Haskuka deklaroi se si të gjitha betejat tjera të lavdishme të UÇK-së, edhe kjo betejë ishte një nga operacionet më të rëndësishme që na solli lirinë, ku morën pjesë shumë ushtarë nga të gjitha trojet etnike shqiptare./PrizrenPress.com/
