Në Prizren ka filluar sot trajnimi “Rehabilitimi dhe Menaxhimi i Trashëgimisë Kulturore”.
Ky projekt realizohet me iniciativën e QRTK-së, në Prizren e mbështetur nga MKRS.
Drejtori i QRTK-së në Prizren, Samir Hoxha tha se në këtë trajnim janë duke marrë pjesë nga shumë institucione kulturore nga të gjitha qytetet e Kosovës.
“Pjesëmarrësit po i shkëmbejnë përvojat dhe eksperiencat e tyre në shumë çështje me interes për menaxhimin e integruar të Trashëgimisë Kulturore në vendin tone”, tha Hoxha.
Ligjëruesit nga Shqipëria janë: M.A. Olsi Lafe dhe M. Arch. Rrezarta Pilafi, prezantoi vështrimet e tyre mbi Prizrenin dhe Ulpianën, si dhe procesin e restaurimit, konservimit dhe administrimit të qyteteve me karakter të veçan historik, si të Beratit por edhe të Prizrenit.
Seminari do të zgjasë tri ditë, ku me prezantimet e tyre do të marrin pjesë edhe përfaqësues nga institucionet shkencore dhe kulturore të Republikës së Kosovës. /PrizrenPress.com/