Kuvendi i Kosovës, nesër në orën 10:00 do t’i vazhdojë punimet e seancë së 6 shkurtit. Në këtë seancë priten të miratohen rekomandimet e dala nga debati parlamentar për gjendjen në Universitetin e Prishtinës “Hasan Prishtina”, të cilat janë iniciuar nga Grupi Parlamentar i LDK-së.
Kështu ka vendosur sot, Kryesia e Kuvendit të Kosovës, në mbledhjen e saj të rregullt. Po ashtu, Kryesia e Kuvendit ka vendosur që të enjten të mbahet një seancë e rregullt plenare.