Drejtori i Policisë në Prizren Nexhmi Krasniq nuk i ndal akuzat në drejtim të Prokurorisë dhe Gjykatës. Ai thotë se këto organe të drejtësisë nuk po e kryejnë si duhet punën e tyre.
“Një peron që ka 100 raste të veprave të ndryshme penale dhe të lihet i lirë nuk ka askund të botë”, ka thënë Krasniqi në një intervistë në TV Besa.
Ai ka treguar se për këtë cështje është mbajtur një takim në mes të Policisë, Prokurorisë dhe Gjykatës.
“I kemi mbajtur dy takime me prokurorë dhe gjyqtarë. Në këto takimi kemi shprehur pakënaqësinë tonë për lirimin e personave me vepra penale”.
“Ne nuk dëshirojmë që të jenë të lirë ata që bëjnë vepra penale”.
“Ka prokurorë dhe gjyqtarë që e bëjnë punën me seriozitet dhe në mënyrë profesionale, por ka edhe nga ata që nuk i marrin me seriozitet rastet”./PrizrenPress.com/