17.8 C
Prizren
E premte, 22 Gusht, 2025

NISMA përkrahet fuqishëm edhe në fshatin Korishë të Prizrenit

Nisma-KorisheNISMA për Kosovë përkrahje të fuqishme ka marrë edhe në fshatin Korishë të Prizrenit. Në mesin e qindra qytetarëve të këtij fshati, kualicioni NISMA-BD, ka prezantuar kandidatët për deputet në Kuvendin e Kosovës për zgjedhjet e 8 Qershorit.

Kryetari i NISMËS për Kosovë, Fatmir Limaj, kërkoi nga banorët e fshatit Korishë që të bëhen pjesë e vizionit të NISMËS dhe që me 8 qershorë, ky vision të triumfojë edhe në këtë fshat. Ai, veqanërisht u fokusua në zhvillimin ekonomik të vendit.

“Për shtat vite Kosova ka pasur regres ekonomik, dhe premtimet e liderve politik për zgjedhjet e 8 qershorit janë mashtrim për opinionin dhe qytetarët e Kosovës, NISMA ka vizion të qartë në zhvillimin ekonomik të vendit duke u mbështetur në resurset njerëzore dhe natyrore të saj”, theksoi Limaj.

Kurse, kryetari BD-së, Zafir Berisha para qytetarëve të Korishës tha se është momenti vendimtarë që me 8 qershorë të mbështeten ndryshimet e nevojshme për perspektivën e Kosovës që gjenden në numrin 59 dhe me votën tuaj të ndëshkoni ata që e kanë dëmtuar rëndë imazhin e shtetit tonë.

“Kërkoj që mos të bieni viktimë e soit të Enver (Burdush) Hoxha, i cili nuk i ka lënë vend vetës në vendlindjen e tij, por është vërsulur qytetit të Prizrenit për të grabitur ndonjë votë”, tha Berisha.

“Zhvillimi i mirëfillt ekonomik do të jetë prioritet i prioriteteve për ne në qeverinë e ardhëshme dhe po ashtu prioritet do te jetë edhe siguria e vendit që garanton zhvillimin e vendit tonë në çdo sferë. Jemi të vendosur që bjeshket e Kabashit ti shpallim zonë turistike nga ku do të përfitojnë banorët e kësaj ane”, tha ai.

Para atë pranishmëve në këtë takim foli edhe kandidati që vjen nga kjo anë, Hysni Daka, i cili kërkoi mbështetjen e bashkë fshatarëve të tij dhe Sedullah Hoxha, i cili u fokusua në përmisimin e gjendjes në shëndetësi. /PrizrenPress.com/

Më Shumë

Ekstradohet nga Italia në Kosovë, 34-vjeçari nga Suhareka i dyshuar për tentim vrasje

34-vjeçari, F.Xh, nga fshati Mushtisht i Suharekës është ekstraduar nga Italia në Kosovë, në bazë të urdhërarrestit ndërkombëtar të lëshuar nga Gjykata Themelore në...

Premtoi ndërmjetësim për prona dhe mori para – Prokuroria në Prizren jep detaje nga arrestimi i zyrtarit të Agjencisë Pyjore

Prokuroria Themelore në Prizren ka dhënë detaje rreth arrestimit të zyrtarit të Agjencisë Pyjore të Kosovës, I.O., i cili dyshohet për keqpërdorim të pozitës...

Lajmet e Fundit