Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon nga 1.658 testime, 11 qytetarë kanë rezultuar pozitiv me virusin COVID-19, ndërkaq në total numri i rasteve aktive është 170.
MSH njofton se gjatë 24 orëve të fundit, është shënuar 1 rast i vdekjes, ndërsa janë shëruar 6 qytetarë
Numri i përgjithshëm i të shëruarve është 105.298.
Në 24 orët e fundit janë dhënë 4.682 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 157.338 doza të vaksinës.
Deri më sot 29.314 qytetarë janë vaksinuar me dozën e dytë.