Departamenti për Krime të Rënda i Gjykatës Themelore të Prizrenit ka vendosur një muaj paraburgim ndaj të pandehurit N.B. nga Suhareka. Ai dyshohet se ka kryer veprën penale, “vrasje e rëndë”.
“I pandehuri do të mbahet në paraburgim në kohëzgjatje prej 1 (një) muaji, i cili do të llogaritet prej kohës së ndalimit, data 23.10.2015 dhe do të zgjasë deri me datën 23.11.2015, deri në ora 22:00”, njofton zëdhënësja e gjykatës, Afërdita Kicaj.
“I pandehuri dyshohet për shkelje të Kodit Penal, se me datën 23 10.2015 rrethë orës 21.25 minuta në Suharekë, në shtëpinë e tij familjare, pas një mosmarrëveshje paraprake me dashje ka privuar nga jeta bashkëshorten e tij e cila vepër është kryer në prezencë të fëmijës së tij të mitur ku edhe së cilës i shkakton lëndime trupore”, bën të ditur Kicaj. /PrizrenPress.com