Gjykata Themelore e Prizrenit i ka caktuar një muaj paraburgim personit me iniciale A.B. për shkak se ka rrahur bashkëshorten e tij S.M.
Gjykata njofton se më 16 shtator rreth orës 17:30 minuta i dyshuari shtëpinë e tyre familjare i ka shkaktuar lëndime të lehta trupore bashkëshortes së tij shkaku i mosmarrëveshjes paraprake që kishin rreth fëmijës së tyre.
“Andaj duke pasur parasysh këto rrethana ekziston rreziku që i pandehuri po të gjendet në liri mund të ndikoj te pala e dëmtuar apo dëshmitarët eventual, të fshij apo fsheh gjurmët e veprës penale dhe nga të cekura më lart, caktimi i paraburgimit është i arsyeshëm dhe mjaft i domosdoshëm në mënyrë që procedura në këtë çështje penale të zhvillohet në mënyrë të drejt”, thuhet në njoftimin e Gjykatës Themelore në Prizren.