A pas dy javësh sa kishin afat pronarët e 25 vilave pa leje që ti rrëzonin ato krejtësisht, nuk e kanë bërë një gjë të tillë. Më këtë ata e kanë kaluar afatin e dhënë nga inspektorati i Ministrisë së Mjedisit dhe Planifikimit Hapsinorë që ti largojnë gjësendet e tyre dhe ta bëjnë rrënimin e tërsishëm.
Inspektoriati dy javë më parë intervenoi në këtë vend turistik duke ua shkatërruar vetëm një pjesë të vogël të vilave. Megjithëse e shtuna ishte afati i fundit, në këtë pjesë nuk është parë asnjë inspektor në terren.
Ministri i Mjedisit, Dardan Gashi, i cili morri vendimin për rrënim tha pë KTV-në se për shkak të festave inspektorët nuk kanë dalë në teren por sipas Gashit menjëherë në javën e ardhshme inspektorët do të nisin punën e tyre.
Dy javë më parë inspektorati i kësaj ministrie me rrëzimin e vilës së Sabit Gecit nisi rrënimin e objekteve pa leje në parkun nacional të Prevallës. Inspektorët tashmë kanë mbledhur të gjitha të dhënat për rreth 150 vila të cilat kanë tejkalime dhe pritet që ato në ditët e ardhshme të rrënohen.