16.8 C
Prizren
E enjte, 28 Mars, 2024

Nuk u kërcënua

Prokuroria në Prizren nuk ka gjetur elemente të veprës penale në masazhin që kuvendarja e Vetëvendosjes, Dafina Alishani, kishte marrë pas emisionit ‘Jeta në Komunë’ nga burri i një gruaje e cila shfrytëzon një lokal të Komunës.

Zëdhënësi i Policisë në Prizren, Vesel Gashi tregon se policia e ka trajtuar rastin e “kërcënimit” të Alishanit.

“Policia në Prizren është marrë me këtë rast, sapo është lajmëruar. E kemi dërguar edhe në prokurori, mirëpo prokurori në mesazhin që ka marrë denoncuesja nuk ka gjetur elemente të veprës penale”, tha Gashi për “PrizrenPress”.

Kuvendarja e Vetëvendosjes në Prizren, Dafina Alishani, pati raportuar për marrjen e një telefonate nga burri i një gruaje e cila ka fituar për shfrytëzim një lokal të Komunës.

Sipas saj, telefonatën e mori pas përfundimit të debatit me kryetarin e Komunës, Mytaher Haskuka.

Në këtë debat, ajo, kishte ngritur për diskutim çështjen e pronave komunale, duke kërkuar llogari nga Haskuka.

Alishanit në mbrojtje i dolën pozitë e opozitë.

Kryetari i Prizrenit, Mytaher Haskuka, kërkoi që të hetohet rasti i Alishanit.

“Unë personalisht do ta mbështes dhe kërkojë nga organet kompetente që të hetojnë rastin”, pati thënë Haskuka.

Haskuka ka folur edhe për rastin e ngritur nga Alishani.

“Lidhur me këtë çështje është edhe një aktakuzë”.
Sipas tij, aktakuza është lidhur me kriteret për gratë dhe numrin e punëtorëve në këto lokale.

“Për çështje administrative të vlerësimit 5 zyrtarë kanë përfunduar me aktakuzë”, pati thënë Haskuka. /PrizrenPress.com/

Më Shumë

Zhdukja e kobshme – Niset për shtëpi, e moshuara nga Rahoveci vdes në mal

Si rëndom, edhe pasditen e së dielës doli nga shtëpia, por në të nuk u kthye e gjallë.   Hajnishahe Hoti nga Ratkoci i Rahovecit pasi...

Arti në zi! Ndahet nga jeta poeti i njohur shqiptar, Jorgo Papingji

Arti shqiptar në zi! Është ndarë nga jeta në moshën 82-vjeçare, poeti dhe autori i një sërë këngëve, Jorgo Papingji. Mësohet se ai ka ndërruar...

Lajmet e Fundit