Presidentja e Kosovës, Vjosa Osmani, ka marrë pjesë në ceremoninë shtetërore të organizuar nga shteti shqiptar në nderim të shkrimtarit Ismail Kadare.
Osmani në librin e zisë ka shkruar se “me zemër të rënduar i thamë lamtumirë penës së shquar dhe kolosit të papërsëritshëm, fjalët e të cilit kapërcyen kufijtë, kulturat dhe kohën”.
“Për dekada të tëra, veprat e Ismail Kadaresë ndriçuan cepat më të errët të historisë dhe shpirtit njerëzor. Aftësia e tij për të gërshetuar historinë, mitet dhe realitetin, e bëri zërin e tij një nga më të veçantët dhe më të fuqishmit në letërsinë bashkëkohore. Prandaj, jemi përgjithmonë mirënjohës për veprat që na la. Liria e Kosovës për të ishte triumfi i kombit shqiptar. Ndërkaq, për kombin shqiptar, vetë ekzistenca dhe vepra e Ismail Kadaresë është triumf i kulturës mbi injorancën dhe i lirisë mbi diktaturën. Lamtumirë, titani i letërsisë, Ismail Kadare!”, ka shkruar Osmani.
Marketing
https://prizrenpress.com/37456990786/
https://prizrenpress.com/leshohet-me-qira-lokali-per-biznesin-tuaj-ne-prizren/
https://prizrenpress.com/edi-alumin-ne -prizren-announces-a-competition-for-master-of-plastic-doors-and-windows/
https://prizrenpress.com/128754321689087654-2/
https://prizrenpress.com/7890875432-2/
https://prizrenpress.com/banesa-ne-shitje-nga-renelual-tahiri/
