Sahit Osmani
(Poezi e lexuar në Manifestimin Ditët e Lidhjes (14.06.2018) në Prizren)
Sikur të ishte Prizreni kryeqytet i Ballkanit
Ballkani s’do të quhej Tokë e Zjarrtë
Por vend i paqes
Do të shkrumheshin netët mesjetare
Vdekjet s’do të kishin vend
Vajet do të ktheheshin në dasma
Sikur të ishte Prizreni kryeqyteti i Evropës
Shpirti njerëzor s’do të kishte humnera
Rruzulli do të rrotullohej rreth dashurisë
Dhe kryeqytet e botës aty do të ishin
Liritë s’do të kullonin gjak të pafajshëm
Vetëm perandorët kufoma do t’i kishim
Prizreni është liri ku hedh jetën shpirti
Kryeqytet i dashurisë me rrugë zemërdiellore
Lum Lumbardhi për fatin e përjetësisë…
Prizreni ky Kryeqytet Shpirtëror e Historik
i shqiptarëve!
(Shifra: KRYEQYTETI)