16.8 C
Prizren
E hënë, 26 Shtator, 2022

Pajtohen për forcimin e komiteteve të sigurisë

001Kryetari i Komunës së Malishevës, Ragip Begaj, ka pritur sot, përfaqësuesit e Ministrisë së Punëve të Brendshme, me të cilët kanë biseduar për forcimin e rolit të KKSB-së dhe formimit të komiteteve lokale të sigurisë në bashkësi. Në këtë takim morën pjesë, Rifat Marmullaku, nga MPB-ja, majori i policisë, Çlirim Hajdini, nga Policia e Kosovës, komandanti i stacionit policor në Malishevë, kapiteni Halil Morina, me stafin dhe koordinatori i EVSB-ve në Malishevë,Sejdi Paçarizi.

Sipas majorit Çlirim Hajdini, nga Policia e Kosovës, qëllimi i këtij takimi, është mundësia e forcimit të funksionimit të KKSB-ve, përkatësisht formimi i trupave tjerë, siç janë komitetet lokale të sigurisë në bashkësi, edhe në Komunën e Malishevës, sikur që janë të formuara edhe në disa nga komunat tjera.

Ndërsa Rifat Marmullaku, nga Ministria e Punëve të Brendshme, shpjegoi për qëllimin e formimit të këtyre komiteteve, rolin e tyre, organizimin dhe mënyrën e funksionimit e komiteteve lokale të sigurisë, komitete të cilat, do të luanin një rol të rëndësishëm për komunitetin në përgjithësi.

Kryetari i Komunës së Malishevës, Ragip Begaj, e vlerësoi si shumë të rëndësishme, formimin e këtyre komiteteve dhe tha se “përmes këtyre komiteteve, do të mund të përfitonin shumë, por përfitimi më i madh është, ruajtja e jetës së qytetarëve dhe organizimi ynë si shoqëri, pasi e gjithë bota funksionon në mënyrë të organizuar”.

Kryetari Begaj, premtoi përkrahje në formimin e këtyre komiteteve.
Komandanti i stacionit policor në Malishevë, kapiteni Halil Morina, e falënderoi kryetarin për bashkëpunimin e shkëlqyer të komunës me Policinë e Kosovës, përkrahjen dhe mirëkuptimin e treguar në vazhdimësi.

Më Shumë

Dënohet me vdekje ish-ministri i Drejtësisë

Bie një tjetër nga kokat që dikur drejtonin regjimin kinez. Gjykata ”e popullit” e qytetit Changchun ka dënuar me vdekje Fu Zhenghua, ish-ministrin e...

Kurti sot shpall kandidaturën për kryetar të VV-së

Albin Kurti do ta shpallë sot zyrtarisht kandidaturën për kryetar të Lëvizjes Vetëvendosje. Lëvizja Vetëvendosje ka bërë të ditur se shpalosja e platformës së kandidatit...

Kolona e pestë

Lajmet e Fundit