Departamenti i Përgjithshëm i Gjykatës Themelore të Prizrenit ka vendosur një muaj paraburgim ndaj të pandehurit R.K nga Prizreni. Ai dyshohet se ka kryer dy vepra penale, të pengimit zyrtar në kryerjen e detyrave zyrtare dhe veprën penale të kanosjes.
“I pandehuri do të mbahet në paraburgim në kohëzgjatje prej një muaji, i cili do të llogaritet prej kohës së ndalimit, data 12.10.2015 në ora 15:00 dhe do të zgjasë deri me datën 12.11.2015”, njofton zëdhënësja e gjykatës, Afërdita Kicaj.
“I pandehuri dyshohet për shkelje të Kodit Penal, se me datën 13.10.2015 rreth orës 13:50 minuta e deri nëorën 15:10 minuta, me kanosje serioze pengon personin zyrtar – gjyqtarin në kryerjen e detyrave zyrtare i cili ka qenë duke kryer punën e tij zyrtare – seancën e përmbarimit. Për shkak të situatës së krijuar, gjyqtari detyrohet që ta ndërpret seancën gjyqësore”, bën të ditur Kicaj. /PrizrenPress.com