33.8 C
Prizren
E mërkurë, 19 Qershor, 2024

“Paraja” e Bokshit merr në Dibër çmimin shfaqja më e mirë

Bokshi-parajaNë edicionin e XII të Festivalit të teatrove shqiptare në Dibër, që dita ditës dhe nga viti në vit po rritet dhe përforcohet në të gjitha aspektet, për kënaqësinë e artdashësve dibran dhe artistëve nga të gjitha trojet shqiptare, u shfaqën 7 shfaqe të trupave të Teatrove-përfshirë edhe një monodramë.

Në natën e fundit të këtij edicioni të XII, pos Teatrit “Petro Marko” nga Vlora me shfaqen “Të gjithë me huqe…” një komedi e Laurent Baffi në të Eliona Thomaraj dhe monodrama e punuar nga Universiteti i Arteve dhe Teatri Kombëtar të Tiranës “Joan Padan dhe Amerikanët” në regji të Milto Kutalit, -monodramë që ishte jashtë konkurrencës, u interpretua për një orë e gjysmë për mrekulli me plot dinamike, dhe ngarkesë mbase edhe të tepruar- nga aktori Arben Derhemi, transmeton INA.

Kjo monodramë u shfaq, në “pritje” të vlerësimeve të Jurisë profesionale të Festivalit për ndarjen e çmimeve të e Festivalit, që kësaj here, për kënaqësinë e organizatorit, publikut dhe të gjithë shqiptarëve, këto çmimi i kishte siguruar operatori i katërt i telefonisë celulare në Maqedoni “Albafon”, me praninë e vetë drejtorit ekzekutiv të kësaj kompanie, Ardian Hoxha.

Juria profesionale e Festivalit në përbërje: prof.Dr. Selajdin Salihu, prof. dr. Agim Selimi dhe prof. Milto Kutali, kanë dhënë vlerësimin e tyre, vlerësime që do ti prezantojë drejtori i Festivalit Ylber Nuredini.

Vlerësimi i Jurisë është si vijon:

Çmimi special i Festivalit, për kontribut jashtë konkurrencës iu nda aktorit shqiptar nga SHBA, Pajazit Murtishit, i cili faleminderoi me vargjet e poetit Ali Asllani dhe aktorit nga Tirana Arben Derhemi.

Çmimet për role dytësore-joprotagoniste për aktore dhe aktor iu ndanë: për aktore: Eriona Thomarai dhe Besarta Fejza, ndërsa për aktor u shpall Albano Prodani për rolin e tij në komedinë “Borgjezi fisnik” nga Teatri i Korçës.

Aktore më e mirë u shpall Zarije Jonuzi-Xaka, nga Teatri Shqiptar nga Shkupi, për rolin e sajë “Xhen Perkins” në shfaqen “Paraja”.

Aktor më i mirë u shpall Çun Lajçi, për rolin e tij në shfaqen e Ekrem Kryeziut, “Përplasjet”.

Regjisor më i mirë i festivalit u shpall Erson Zymberi nga Teatri i Gjilanit për shfaqen “Pacienti i Dr. Frojdit”.

Shfaqe më e mirë e Festivalit të XII të teatrove në Dibër sipas vlerësimit të Jurisë profesionale, u shpall shfaqja “Paraja”, komedi e Rej Kunit, realizuar nga Teatri Shqiptar në Shkup, nga regjisori Ilir Bokshi, me aktorët: Luran Ahmeti, Zarije Jonuzi, Xhevdet Jashari, Amernis Jovanovska Nokshiqi, Blerim Dardhishta, Fisnik Zeqiri dhe Visar Etemi.

Çmimin në emër të Teatrit Shqiptar nga Shkupi, e pranoi nga dora e drejtorit ekzekutiv të kompanisë celulare “Albafon”, Ardian Hoxha, drejtori i Teatrit Shqiptar nga Shkupi, Adem Karaga, i cili edhe me pak emocione faleminderoi publikun e shkëlqyer artëdashës dibran, uroi festivalit ecuri të mbarë, duke faleminderuar dhe uruar punë të mbarë dhe suksese jo vetëm Festivalit, por edhe kompanisë “Albafon”.

Me një fjalë rasti, drejtori i Festivalit, Ylber Nuredini, po ashtu uroi “Albafon” dhe e shpalli të mbyllur siparin e edicionit të XII të Festivalit me fjalët “Mirë u pafshim në edicionin e XIII –trembëdhjetë”.

Më Shumë

Policia po heton vdekjen e një gruaje në Prizren, në vend të ngjarjes u gjetën armë, 4 thika e 198 fishekë

Policia e Kosovës ka raportuar se po heton vdekjne e një gruaje në Prizren. Sipas raportit 24 orësh të PK-së, në vend të ngjarjes “janë...

Vetëvendosje me aktivitete për nder shënimit të 81-vjetorit të lindjes së Ukshin Hotit

Lëvizja Vetëvendosje ka organizuar disa aktivitete për nder të ditëlindjes së intelektualit, Ukshin Hoti. Në ora 10:00 do të organizohet vizitë te shtëpia muze e...

Bregu i shpëtimit

Lajmet e Fundit