Kryetari i Partisë së Drejtësisë në Prizren, Qemal Mehmeti së bashku me bashkëpunëtorë ka pritur një delegacion të Partisë për Drejtësi dhe Zhvillim të Turqisë. Mehmeti e çmoi lart vizitën e delegacionit turk, duke e vlerësuar si një mundësi dhe hap të rëndësishëm në thellimin e mëtejmë të bashkëpunimit në të gjitha fushat e jetës shoqërore dhe ekonomike të Komunës së Prizrenit dhe komunave të Turqisë.
Poashtu, edhe bashkëpunimi ndërpartiak midis AK dhe PD u vlerësua shumë strategjik dhe u shpreh pajtueshmëri dhe gadishmëri që i njëjti të intensifikohet dhe të thellohet në të gjitha nivelet.
Edhe me këtë rast populli turk dhe institucionet shtetërore, ato ekonomike dhe joqeveritare të Turqisë u falenderuan për ndihmën që i kanë dhënë dhe po i japin Kosovës , me theks të posaqëm në ndihmat Komunës së Prizrenit.
Mehmet Babacan, këshilltar i zëvendëskryeministrit të parë të Turqisë, Numan Kurtulmus, në emër të delegacionit turk, por edhe në emër të Qeverisë së Turqisë, falënderoi kryetarin e degës së PD në Prizren Qemal Mehmeti dhe bashkëpunëtorët e tij , për pritjen, duke siguruar se do të angazhohen që ky bashkëpunim në të ardhmen të thellohet edhe më shumë.
Nga të dy palët u konkludua se vlerat e përbashkëta duhet të ruhen dhe kultivohen edhe në të ardhmen./PrizrenPress.com/