Partia Demokratike e Kosovës (PDK) në Prizren, ka thirrur një mbledhje të jashtëzakonshme me anëtarët e Kryesisë. Mbledhja do të mbahet sot në ora 8:30 minuta të mëngjesit.
Kryetari i Degës së PDK-së, Minir Krasniqi, në orët e vona të natës,përmes telefonit i ka njoftuar anëtarët e Kryesisë, që të marrin pjesë në këtë mbledhje të jashtëzakonshme.
Burimet e “PrizrenPress-it” bëjnë të ditur se mbledhja e jashtëzakonshëm është thirrur pas takimit që lideri PDK-së, Hashim Thaçi ka pasur me kryetarin e BD-së, Zafir Berishën.
Një anëtar i Kryesisë së PDK-së me kusht anonimiteti ka konfirmuar për “PrizrenPress” mbajtejn e mbledhjes së jashtëzakonshme. Ai tregon se në njoftim nuk është saktësuar se cila temë do të diskutohet në këtë mbledhje.
“Ftesën për mbledhje e kam marrë, por nuk e di se çka do të bisedohet”, tregon anëtari i Kryesisë së PDK-së. /PrizrenPress.com/