Në Rahovec është përmbyllur edicioni i dytë i Festivalit Ndërkombëtar i Poezisë. Çmimi i parë i festivalit, “Rrushi i Artë”, shkon në duart e poetit norvegjez Knut Odegard.
Ideatori i festivalit, shkrimtari i mirënjohur ndërkombëtar, Fahredin Shehu, falënderoi Ministrinë e Kulturës , Rinisë dhe Sportit, Kuvendin Komunal në Rahovec dhe shumë donatorë tjerë për përkrahje,
Ai ka thënë se Rahoveci është qytet i vogël, por me zemër dhe shpirt të madh.
Kryetari i Rahovecit, Idriz Vehapi falënderoi poetët për mundin dhe pjesëmarrjen e tyre, dhe për organizimin dinjitoz të festivalit me pjesëmarrës poet nga të gjitha vendet e botës
“Për kontributin tuaj në fushën e kulturës, dhe për mundim, për rrugë të gjatë që keni marrë për të ardhur në qytetin tonë, dhe njëkohësisht për kontributin tuaj në pasurimin e kulturës tonë. Do të isha shumë i lumtur nëse ju e lëshoni qytetin tonë të kënaqur”, ka thënë Vehapi.
Duke u shpërblyer me mirënjohje dhe nga një shishe verë, simbol të Rahovecit, të gjithë pjesëmarrësit janë shprehur me fjalë miradije për mikpritjen dhe bujarinë e rahovecianëve, ndërkaq çmimi i parë i festivalit, ” Rrushi i Artë”, i takoi poetit norvegjez Knut Odegard, përndryshe kandidatit për çmimin Nobel. /PrizrenPress.com/