Personat me nevoja të veçanta kërkojnë qasje të lirë në mjedisin ku jetojnë. Organizata Joqeveritare “Ec Ma Ndryshe”, për këtë cështje ka organizuar debate dhe ka barë analiza.
“Pas shumë fokus -grupeve, debateve, analizave të bëra me personat me nevoja të veçanta në kuadër të projektit “Qyteti gjithëpërfshirës-Planifikim me pjesëmarrje për zhvillim të qëndrueshëm urban në Prizren”, këta persona si nevojë dhe shqetësim prioritar kanë shprehur qasjen e lirë në mjedisin që i rrethon”, thotë koordinatorja e projekti,Fjolla Gashi.
“EC Ma Ndryshe” për t’i identifikuar pengesat që hasin këta persona gjatë përditshmërisë së tyre,sipas saj, ka marrë iniciativën që paraprakisht të dilet e të ecet nëpër shtigjet e rrugëve kryesore të qytetit të Prizrenit bashkërisht me PNV dhe të caktohen në hartë të gjitha barrierat që ata hasin.
“Pasi që të bëhet caktimi i pengesave në hartë, faza tjetër është që kjo hartë të përpunohet profesionalisht nga arkitektë të ndryshëm dhe të dërgohet në institucionet komunale, të cilët janë të detyruar t’i marrin për bazë këto shqetësime dhe të marrin masa në përmirësimin e jetës së PNV”.
“Ecja fillon më 08.12.2013 (e dielë), në orën 11:00, me fillim nga Rrethi në Bazhdarhane e deri në sheshin ‘Shatërvan”./PrizrenPress.com/