Aderimeve në politikë, që po behën ditëve të fundit, nuk kanë mundur t’i rezistojnë as gazetarët e Kosovës. Tashmë disa nga ta kanë braktisur këtë zanat dhe janë rreshtuar krah subjekteve politike.
Arbana Xharra, që deri tash ka drejtuar gazetën Zëri, ditë me parë i është bashkuar Partisë Demokratike të Kosovës, që drejtohet nga, Kadri Veselin, shkruan Gazeta Fjala.
Fund karrierës prej gazetari dhe publicisti i ka dhënë edhe Halil Matoshi. Ai tashmë veç është bërë pjesë e partisë së Ramush Haradinjat. Veprim të ngjashëm ka bërë edhe Milaim Zeka.
Ai të enjten zyrtarisht i është bashkuar Fatmir Limjat në partinë Nisma për Kosovën.
Edhe Arbër Vllahiu, gazetar në Evropa e Lirë, pritet që ta lë këtë zanat që nga e premtja.
Ish-këshilltari i Atifete Jahjagës sa ishte presidente e Kosovës, Arbër Vllahiu, partisë së Ramush Haradinjat do ti bashkohet në ora 11:00.
Kurse, gazetari Kastriot Jahaj, që për një kohë të gjatë ka punuar në disa media të Kosovës, ditë më parë është bashkuar krah Mimoza Kusarit e Ilir Dedës, në partinë Alternativa. /Gazeta Fjala/.