Trajneri i Milanit, Stefano Pioli, komentoi në konferencën për shtyp eliminimin nga Juventus në Kupën e Italisë: “Më vjen keq ta them këtë, por penalltia në ndeshjen e parë vendosi fatin e dy takimeve. Në fillim të sfidës ndjemë një presion të fortë nga Juventus dhe nuk ishim të pozicionuar mirë në fushë. Fatkeqësisht, ne nuk ishim në gjendje të shënonim dhe kështu nuk shkuam në finale. Tani duhet të mendojmë për Europën”.
Efekti i rikthimit në fushë?
“Të kthehesh të luash në këtë atmosferë, ishte shumë e çuditshme. Por është e rëndësishme që u kthyem me frymën e duhur. Na vjen keq për faktin se nuk ia arritëm qëllimit.”