Një plagosje me armë zjarri ka ndodhur në fshatin Samadrexhë të Suharekës.
Lajmin për KALLXO.com e ka konfirmuar zëdhënësi i policisë në rajonin e Prizrenit, Vesel Gashi.
“ Po, ka ndodhur një plagosje me armë zjarri në fshatin Samadrexhë të Suharekës. Njësitet policore janë në vendin e ngjarjes dhe po merren me rastin”, tha Gashi për KALLXO.com.
Ai shtoi se nga informacionet e para nga vendi i ngjarjes është plagosur një person rreth moshës 33 vjeçare, por është jashtë rrezikut për jetë.
Gashi shtoi se ende nuk dihen motivet e plagosjes.
“Ende nuk dihen motivet e plagosjes, hetuesit po merren me rastin”, tha Gashi për KALLXO.com.
Ai shtoi se të dyshuarit për rastin janë larguar nga vendi i ngjarjes.