Policia ka kapur 30 persona në gjithë territorin e Kosovës të cilët nuk kanë vepruar sipas dispozitave shëndetësore lidhur me pandeminë.
Tre persona në tri raste të ndara në Prishtinë janë shoqëruar në Polici, pasi nuk e kanë respektuar vendimin e Qeverisë. Të tri rastet kanë shkuar në procedurë të rregullt.
Për arsye të njëjtë – mosrespektim i vendimit të Qeverisë – katër persona, në dy raste të ndara, janë shoqëruar në Polici në Han të Elezit.
Në ndërkohë, edhe në Ferizaj janë shoqëruar tre persona në Polici. Të trija rastet kanë shkuar po ashtu në procedurë të rregullt.
Ndërsa, Prizreni prin me numrin e personave që nuk e kanë respektuar vendimin e Qeverisë në kuadër të masave të marra për parandalimin e përhapjes së Covid-19.
19 persona në nëntë raste të ndara janë shoqëruar në Polici. Të gjitha rastet, sipas vendimit të prokurorit përkatës, kanë shkuar në procedurë të rregullt.
Në fshatin Skoqne të Vushtrrisë është ndaluar i dyshuari duke transportuar dru pa dokumente përkatëse. Masa drunore është konfiskuar, derisa me vendim të prokurorit rasti ka shkuar në procedurë të rregullt.
