Kandidatët për deputetë të Nismës Socialdemokrate në Prizren, kanë vizituar Shoqatën e Familjeve të Dëshmorëve dhe në Shoqatën e Veteranëve të Luftës së UÇK-së.
Ata falënderuan përfaqësuesit e shoqatave të dala nga lufta për pritjen.
https://www.facebook.com/ZafirBerisha7/videos/382435439359952/
“NISMA Socialdemokrate dhe deputetët e saj do të jenë vazhdimisht në përkrahje të interesave të qytetarëve të Kosovës pa dallim, e në veçanti do të jenë zë i fuqishëm i vlerave të UÇK-së, njehërit do të angazhohemi fuqishëm për t’i mënjanuar manipuluesit me lista të veteranëve, të bindur se këtë nuk munden ta bëjnë ata që i kanë fryrë listat e veteranëve”, premtuan ata.
Ndërkaq, përfaqësuesit e shoqatave të dala nga lufta i uruan suksese ekipit të Nismës në zgjedhjet e 6 tetorit, duke shpresuar që edhe në legjislaturën e ardhshme deputetët e Nismës të jenë në përkrahje të shoqatave të dala nga lufta, sikur kanë qenë edhe më herët.