Presidentja e Kosovës, Atifete Jahjaga asnjëherë s’ka ofruar zgjidhje për bllokadën institucionale në të cilën ka hyrë Kosova, ka thënë këshilltarja e Jahjagës, Gentiana Kraja.
Kraja ka thënë se u takon partive politike që të gjejnë zgjidhje.
Sipas saj qasja e Jahjagës ndaj këtij procesi kritik politik, si faktor i stabilitetit dhe unitetit, është konform kushtetutës dhe ligjeve.
“Presidentja në asnjë moment nuk ka propozuar zgjidhje. Në fund të fundit, partitë politike janë përgjegjëse për gjetjen e zgjidhjes”, tha Kraja në emisionin `Info Magazinë`, të Klan Kosovës.
Sipas saj, e para e vendit i ka ftuar partitë që të ulen në tavolinë, në mënyrë që vetë të gjejnë zgjidhje për ngërçin politik.