Marrëveshja për bashkëqeverisje ndërmjet PDK-së dhe LDK-së po shkon drejt finalizimit dhe në fundjavë do të jetë e gatshme për nënshkrim nga krerët e dy partive, Hashim Thaçi e Isa Mustafa.
Pa u definuar ka mbetur vetëm ndarja e resorëve ministrorë dhe titullarët e tyre, shkruan sot Koha Ditore.
Sipas burimeve të gazetës, zbulimi i emrave do të bëhet vetëm pak orë para nënshkrimit të marrëveshjes.
Kjo është lënë qëllimisht për fund me kërkesë të liderëve, për të mos shkaktuar pakënaqësi eventuale brenda partive dhe shmangies se spekulimeve për ministrat e ardhshëm.
Ndërkaq, Programi qeverisës tanimë është hartuar dhe, siç merr vesh gazeta, tri shtyllat kryesore të tij do të jenë zhvillimi ekonomik, sundimi i rendit e i ligjit dhe integrimet euroatlantike.
Në numrin e sotëm të Kohës Ditore mund të lexoni detajet se cilat ministri pritet që t’i udhëheqë LDK-ja, dhe cilat premtime elektorale janë përfshirë në program.