Në pikë kalimin Kosovë-Shqipëri, përkatësisht në Morinë, janë krijuar kolona të gjata të automjeteve, ku qytetarëve u duhet të presin një kohë të gjatë për të kaluar, shkruan Zëri.info.
Ndonëse kjo gjendje e krijuar vjen si pasojë e fluksit të madh të qytetarëve në sezonin veror, teksa kanë zgjedhur që të kalojnë pushimet në bregdetin shqiptar.
Mirëpo, qytetarët janë shprehur paksa të shqetësuar, derisa ankohen për jo efikasitetin e autoriteteve shqiptare dhe atyre kosovare.
Ndërkaq, një fotografi të cilën na e ka dërguar një lexues i Zëri.info, tregon se kjo kolon është bërë në ora pesë të mëngjesit të sotëm.